DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XCVII

 

De his quae pertinent ad statum primi hominis quantum ad individui conservationem

 

IN 4 ARTICULOS DIVISA

 

1. – Utrum homo in statu innocentiae esset immortalis.

 

Co. – Homo in statu innocentiae non natura sed gratia effective immortalis erat, quia vis illi divinitus data erat per quam poterat, non peccando scilicet, conservare corpus supra naturam corporalis materiae.

 

2. – Utrum homo in statu innocentiae fuisset passibilis.

 

Co. – Homo in statu innocentiae fuit impassibilis secundum passiones quae removent hominem a naturali dispositione, passibilis autem secundum passiones perfectivas.

 

3. – Utrum homo in statu innocentiae indigebat cibis.

 

Co. – Homo in statu innocentiae cum vitae animalis esset, cibis indigebat; iis tamen post resurrectionem vitae spiritualis existens non egebit.

 

4. – Utrum homo in statu innocentiae per lignum vitae immortalitatem consecutus fuisset.

 

Co. – In statu innocentiae per lignum vitae consecutus fuisset homo immortalitatem ad determinatum tempus, non autem simpliciter.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 60-61.

 
© Ultra montes (www.ultramontes.pl)
Cracovia MMXI, Kraków 2011

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: