DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXXVIII

 

De potentiis animae in speciali

 

IN 4 ARTICULOS DIVISA

 

1. – Utrum quinque genera potentiarum animae sint distinguenda.

 

Co. – Quinque distincta sunt potentiarum animae genera: vegetativum, sensitivum, appetitivum, motivum secundum locum et intellectivum; tres animae: vegetativa, sensitiva, intellectiva; et quatuor modi vivendi: vegetativum, sensitivum, motivum secundum locum et intellectivum.

 

2. – Utrum convenienter partes vegetativae assignentur, scilicet nutritivum, augmentativum, et generativum.

 

Co. – Tres sunt animae vegetativae partes: nutritiva, augmentativa et generativa.

 

3. – Utrum convenienter distinguantur quinque sensus exteriores.

 

Co. – Quinque sunt exteriores sensus: visus, auditus, olfactus, gustus et tactus.

 

4. – Utrum interiores sensus convenienter distinguantur.

 

Co. – Recipit et conservat animal species sensibiles et intentiones quasdam quas non percipit sensus exterior: necesse est igitur ponere tantum quatuor vires interiores sensitivae partis dictis officiis distinctas: sensum communem, imaginationem, aestimativam et memorativam.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 47-48.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: