DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXVIII

 

De opere secundae diei

 

IN 4 ARTICULOS DIVISA

 

1. – Utrum firmamentum sit factum secunda die.

 

Co. – Pro diversa firmamenti acceptione secundum utrumque (naturae scilicet et temporis) ordinem, vel concedi vel negari potest firmamentum secunda die factum esse.

 

2. – Utrum aquae sint supra firmamentum.

 

Co. – Sunt aquae corporales supra firmamentum, quae tamen pro diversa firmamenti acceptione vel natura cum illo eaedem vel distinctae sunt.

 

3. – Utrum firmamentum dividat aquas ab aquis.

 

Co. – Pro diversa firmamenti et aquarum acceptione, diversimode intelligitur firmamentum dividere aquas ab aquis.

 

4. – Utrum sit unum coelum tantum.

 

Co. – Si omne illud corpus quod supra terram et aquam est nomine coeli accipiatur, unum tantum est coelum; varii tamen secundum varias illius totius partes sunt coeli; varii quoque sunt coeli per metaphoram dicti.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 42.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: