DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXVII

 

De opere distinctionis secundum se

 

IN 4 ARTICULOS DIVISA

 

1. – Utrum lux proprie in spiritualibus dicatur.

 

Co. – Lumen, quoad usum, assumitur ad significandum quodcumque manifestationem et cognitionem facit; quoad primam vero ejus impositionem, ut scilicet importet manifestationem in sensu visus, non nisi metaphorice in spiritualibus assumitur.

 

2. – Utrum lux sit corpus.

 

Co. – Cum illuminatio fiat in instanti, et in omnem partem, lumen ipsum non est corpus.

 

3. – Utrum lux sit qualitas.

 

Co. – Cum lumen non sit substantia, neque intentio, necesse est esse quamdam activam qualitatem consequentem per se corpus lucens.

 

4. – Utrum convenienter lucis productio in prima die ponatur.

 

Co. – Decuit divinae sapientiae ordinem ut prima die lux fieret.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 41.

 
© Ultra montes (www.ultramontes.pl)
Cracovia MMIX, Kraków 2009

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: