DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO V

 

De bono in communi

 

IN 6 ARTICULOS DIVISA

 

1. – Utrum bonum differat se­cundum rem ab ente.

 

Co. – Bonum et ens idem sunt secundum rem, distincta tamen ab invicem secundum rationem: bonum enim ratio­nem appetibilis dicit, quam non importat ens.

 

2. – Utrum bonum secundum rationem sit prius quam ens.

 

Co. – Ens cum prius cadat in conceptione intellectus quam bonum, ipso etiam prius est secundum rationem.

 

3. – Utrum omne ens sit bonum.

 

Co. – Omne ens, inquantum ens, est bonum.

 

4. – Utrum bonum habeat rationem causae finalis.

 

Co. – Bonum, cum rationem appetibilis habeat, finalis quoque causae rationem habere oportet.

 

5. – Utrum ratio boni consistat in modo, specie, et ordine.

 

Co. – Bonum omne, cum sit per suam formam, quam principiorum commensuratio praecedit et quam sequitur inclinatio vel ad opus vel ad finem, consistit in modo, specie, et ordine.

 

6. – Utrum convenienter dividatur bonum per honestum, utile, et delectabile.

 

Co. – Bonum, non solum humanum sed absolute, cum sit appetitivi motus terminus, dividitur in honestum, utile, et delectabile.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 4.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: