DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXXI

 

De his quae ad unitatem vel pluralitatem pertinent in divinis

 

IN 4 ARTICULOS DIVISA

 

1. – Utrum sit Trinitas in divinis.

 

Co. – In divinis Trinitatis nomine utendum est ad significandum hoc idem determinate quod pluralitas indeterminate significat.

 

2. – Utrum Filius sit alius a Patre.

 

Co. – Cum nomen alius masculine acceptum nonnisi distinctionem suppositi in natura significet, Filius alius a Patre convenienter dicitur.

 

3. – Utrum dictio exclusiva «solus» sit addenda termino essentiali in divinis.

 

Co. – Dictio exclusiva solus, non categorematice, sed syncategorematice termino essentiali in divinis addenda est; id est, non quatenus solitudinem, sed ut aliorum omnium exclusionem a consortio praedicati significat.

 

4. – Utrum dictio exclusiva possit adjungi termino personali.

 

Co. – Dictio exclusiva non adjungitur terminis personalibus respectu praedicati communis.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 22.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: