DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXIX

 

De personis divinis

 

IN 4 ARTICULOS DIVISA

 

1. – De definitione personae.

 

Co. – Persona est rationalis naturae individua substantia.

 

2. – Utrum persona sit idem quod hypostasis, subsistentia et essentia.

 

Co. – Persona in genere rationalium substantiarum id significat quod in toto genere substantiarum subsistentia, res naturae, substantia seu hypostasis.

 

3. – Utrum nomen personae sit ponendum in divinis.

 

Co. – Cum quaecumque nomina ad perfectionem attinent in Deum assumantur, personae nomen in Deo dicitur, et excellentiori modo quam in creaturis.

 

4. – Utrum hoc nomen «persona» significet relationem.

 

Co. – Persona divina relationem originis significat per modum substantiae seu hypostasis in divina natura.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 21.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: