DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXVIII

 

De relationibus divinis

 

IN 4 ARTICULOS DIVISA

 

1. – Utrum in Deo sint aliquae relationes reales.

 

Co. – Relationes in divinis, cum accipiantur secundum divinas processiones quae sunt in identitate naturae, reales quasdam esse necesse est.

 

2. – Utrum relatio in Deo sit idem quod sua essentia.

 

Co. – Relatio realiter in Deo existens idem est essentiae secundum rem; non differt autem nisi secundum rationem, quod relatio importat respectum ad oppositum, essentia autem non.

 

3. – Utrum relationes quae sunt in Deo realiter ab invicem distinguantur.

 

Co. – Distinguuntur reales relationes in Deo realiter; non quidem secundum absolutum, sed respectivum.

 

4. – Utrum in Deo sint tantum quatuor relationes reales, scilicet paternitas, filiatio, spiratio et processio.

 

Co. – In Deo quatuor tantum reales relationes sunt: paternitas, filiatio, spiratio et processio, quae solae realiter in Deo sunt et intrinsece.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 20-21.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: