DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO CXIV

 

De daemonum impugnatione

 

IN 5 ARTICULOS DIVISA

 

1. – Utrum homines impugnentur a daemonibus.

 

Co. – Impugnantur homines a daemonibus ex ipsa illorum malitia, ordo autem impugnationis ab ipso Deo est.

 

2. – Utrum tentare sit proprium diaboli.

 

Co. – Tentare ut noceat in peccatum praecipitando ita diaboli proprium est, ut homini non competat nisi ut diaboli ministro.

 

3. – Utrum omnia peccata procedant ex tentatione diaboli.

 

Co. – Omnia hominum peccata a daemone indirecte causantur, directe autem ex arbitrii libertate.

 

4. – Utrum daemones possint vera miracula facere ad seducendum.

 

Co. – Daemones, cum virtus eorum creata sit, miracula proprie facere nequeunt; extenso tamen nomine ad omne id quod humanam excedit facultatem, miracula facere possunt ad homines seducendos.

 

5. – Utrum daemon qui superatur ab aliquo, propter hoc ab impugnatione arceatur.

 

Co. – Daemon ab aliquo superatus vacat a tentatione ejusdem, non semper sed ad tempus.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 70-71.

 
© Ultra montes (www.ultramontes.pl)
Cracovia MMXII, Kraków 2012

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: