DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO CXI

 

De actione angelorum in homines

 

IN 4 ARTICULOS DIVISA

 

1. – Utrum angelus possit illuminare hominem.

 

Co. – Cum homines sint angelis natura inferiores, per ipsos illuminantur.

 

2. – Utrum angeli possint immutare voluntatem hominis.

 

Co. – Cum Dei sit voluntatem dare, ejus etiam est proprium eam efficaciter mutare; angeli autem solum id possunt per modum suadentis aut passiones concitantis.

 

3. – Utrum angelus possit immutare imaginationem hominis.

 

Co. – Cum apparitiones imaginariae interdum nobis causentur ex locali mutatione corporalium spirituum et humorum, ad quam natura corporalis angelo obedit, sequitur angelum tam bonum quam malum virtute naturae suae posse movere imaginationem hominis.

 

4. – Utrum angelus possit immutare sensum humanum.

 

Co. – Potest angelus sensum hominis immutare, vel objiciendo sensui aliquod sensibile exterius, vel intus humores concitando ad varias sensus apparitiones.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 68-69.

 
© Ultra montes (www.ultramontes.pl)
Cracovia MMXII, Kraków 2012

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: