DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO X

 

De Dei aeternitate

 

IN 6 ARTICULOS DIVISA

 

1. – Utrum convenienter definiatur aeternitas, quod est interminabilis vitae tota simul et perfecta possessio.

 

Co. – Aeternitas recte definitur: interminabilis vitae tota simul et perfecta possessio.

 

2. – Utrum Deus sit aeternus.

 

Co. – Deus, immutabilis existens, aeternus non solum est, sed etiam est sua aeternitas.

 

3. – Utrum esse aeternum sit proprium Dei.

 

Co. – Solus Deus, vere et proprie immutabilis cum sit, aeternus est; caetera vero eo aeterna sunt quo aliquam immutabilitatem participant.

 

4. – Utrum aeternitas differat a tempore.

 

Co. – Differt aeternitas a tem­pore quod ea est tota simul, tempus vero successivum est; non autem differunt quod aeternitas principio et fine careat, tempus vero non, nisi quoad mensurata, vel in potentia, intelligendo ea sic differre.

 

5. – De differentia aevi et temporis.

 

Co. – Aevum ipsum est me­dium inter aeternitatem et tem­pus, utroque participans.

 

6. – Utrum sit unum aevum tantum.

 

Co. – Quo plura aeviterna sunt, aeva etiam plura sunt; magis tamen unum tantum aevum est, mensura unius primi aeviterni quod simplicissimum est.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 6-7.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: