DIVI THOMAE AQUINATIS

DOCTORIS ANGELICI

TOTIUS

SUMMAE THEOLOGICAE

CONCLUSIONES

–––––––––––––––––––––––

PRIMAE SECUNDAE

SUMMAE THEOLOGICAE

CONCLUSIONES

~~~~~~~~~~~~~~~~~~~~

QUAESTIO XCVII

De legum mutatione

IN 4 ARTICULOS DIVISA

1. – Utrum lex humana debeat mutari aliquo modo.

Co. – Cum lex humana sit rationis dictamen quo humani diriguntur actus, contingit leges mutari, dum imperfectis perfectionis aliquid superadditur pro hominum ac temporum variis conditionibus.

2. – Utrum lex humana semper sit mutanda quando occurrit aliquid melius.

Co. – Quoniam mutatio legis communi saluti detrimentum adferre solet, non semper lex mutanda est quando aliquid melius occurrit, nisi adsit evidens necessitas aut maxima reipublicae utilitas.

3. – Utrum consuetudo possit obtinere vim legis.

Co. – Cum unusquisque hoc eligere videatur ut bonum quod opere implet, certum est non per verba tantum sed etiam per actus, maxime multiplicatos (qui consuetudinem efficiunt), legem causari, ut recte consuetudo vim legis habere dicatur.

4. – Utrum rectores multitudinis possint in legibus humanis dispensare.

Co. – Ad multitudinis rectores legum dispensatio spectat, dummodo prudenter et non sine causa fiat.

–––––––––––

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 141.

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: