DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XLII

 

De objecto timoris

 

IN 6 ARTICULOS DIVISA

 

1. – Utrum objectum timoris sit bonum vel malum.

 

Co. – Cum timor fugam quamdam importet, necessarium est ut proprie et per se malum respiciat ut objectum, bonum vero nonnisi per accidens.

 

2. – Utrum malum naturae sit objectum timoris.

 

Co. – Malum naturae non est timoris objectum, nisi cum aliqua evasionis spe apprehendatur propinquum.

 

3. – Utrum timor sit de malo culpae.

 

Co. – Cum culpae malum humanae subjaceat potestati et voluntati, de eo non per se potest timor esse.

 

4. – Utrum timor ipse timeri possit.

 

Co. – Potest timor timeri prout ex aliqua extrinseca causa provenit, non autem ut subjacet humanae voluntati.

 

5. – Utrum repentina magis timeantur.

 

Co. – Insolita et repentina mala, cum majora et magis irreparabilia appareant, magis etiam timentur.

 

6. – Utrum ea contra quae non est remedium magis timeantur.

 

Co. – Mala quae non vitari vel non ita facile possunt, magis timenda etiam sunt.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 104.

 

© Ultra montes (www.ultramontes.pl)
Cracovia MMXV, Kraków 2015

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: