DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXXIV

 

De bonitate et malitia delectationum

 

IN 4 ARTICULOS DIVISA

 

1. – Utrum omnis delectatio sit mala.

 

Co. – Non omnes delectationes malae sunt, sed quaedam malae, quae scilicet sunt praeter rationem rectam, et quaedam bonae, videlicet quae sunt secundum rationem.

 

2. – Utrum omnis delectatio sit bona.

 

Co. – Non omnes delectationes bonae sunt, sed quaedam simpliciter bonae, quaedam vero secundum quid; et his oppositae sunt delectatio simpliciter mala, et secundum quid mala.

 

3. – Utrum aliqua delectatio sit optimum.

 

Co. – Possibile est inter humana bona aliquam delectationem optimum esse, quippe qua homo beatitudinem consequitur.

 

4. – Utrum delectatio sit mensura vel regula secundum quam judicetur bonum vel malum, in moralibus.

 

Co. – Quoniam quies voluntatis et cujuslibet appetitus in bono est delectatio, ideo secundum delectationem voluntatis humanae hominem bonum vel malum moraliter judicamus.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 99.

 

© Ultra montes (www.ultramontes.pl)
Cracovia MMXV, Kraków 2015

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: