DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXV

 

De ordinae passionum ad invicem

 

IN 4 ARTICULOS DIVISA

 

1. – Utrum passiones irascibilis sint priores passionibus concupiscibilis, vel e converso.

 

Co. – Passiones concupiscibilis sic praecedunt eas quae sunt irascibilis, ut hae ab illis originem habeant, et ad illas terminentur.

 

2. – Utrum amor sit prima passionum concupiscibilis.

 

Co. – Cum omnes in potentia concupiscibili passiones ex amore causentur, primam quoque passionum concupiscibilis necesse est ipsum amorem esse.

 

3. – Utrum spes sit prima inter passiones irascibilis.

 

Co. – Spes cum inter omnes irascibilis passiones magis et prius bonum respiciat, prior quoque omnibus necessario est.

 

4. – Utrum istae sint quatuor principales passiones: gaudium, tristitia, spes, et timor.

 

Co. – Gaudium, tristitia, spes, et timor quatuor sunt principales animae passiones, quamvis non secundum eamdem rationem.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 93.

 

© Ultra montes (www.ultramontes.pl)
Cracovia MMXIV, Kraków 2014

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: