DIVI THOMAE AQUINATIS

DOCTORIS ANGELICI

TOTIUS

SUMMAE THEOLOGICAE

CONCLUSIONES

–––––––––––––––––––––––

PRIMAE SECUNDAE

SUMMAE THEOLOGICAE

CONCLUSIONES

~~~~~~~~~~~~~~~~~~~~

QUAESTIO XXIII

De differentia passionum animae ab invicem

IN 4 ARTICULOS DIVISA

1. – Utrum passiones quae sunt in concupiscibili sint diversae ab his quae sunt in irascibili.

Co. – Sicut irascibilis potentia et potentia concupiscibilis specie differunt, ita omnes passiones ad irascibilem attinentes differunt specie a passionibus quae sunt in concupiscibili.

2. – Utrum contrarietas passionum irascibilis sit secundum contrarietatem boni et mali.

Co. – In passionibus irascibilis reperitur contrarietas tam secundum objecta quam secundum accessum et recessum ab eodem termino; in passionibus

autem concupiscibilis secundum objecta tantum.

3. – Utrum sit aliqua passio animae non habens contrarium.

Co. – Inter omnes animae passiones irae soli nulla est alia passio contraria, neque secundum contrarietatem objectorum, neque secundum accessum et recessum ab eodem termino.

4. – Utrum sint aliquae passiones differentes specie in eadem potentia non contrariae ad invicem.

Co. – Sunt aliquae in parte animae appetitiva passiones differentes specie non tamen contrariae, ut amor et gaudium.

–––––––––––

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 92.

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: