DIVI THOMAE AQUINATIS

DOCTORIS ANGELICI

TOTIUS

SUMMAE THEOLOGICAE

CONCLUSIONES

–––––––––––––––––––––––

PRIMAE SECUNDAE

SUMMAE THEOLOGICAE

CONCLUSIONES

~~~~~~~~~~~~~~~~~~~~

QUAESTIO XXI

De consequentibus actus humanos in bonitate vel malitia

IN 4 ARTICULOS DIVISA

1. – Utrum actus humanus, inquantum est bonus vel malus, habeat rationem rectitudinis vel peccati.

Co. – Cum ex eo actus bonus vel malus dicatur quod rationis et aeternae legis ordinem sequatur vel non sequatur, actum humanum ex hoc quod bonus est vel malus rectitudinis habere rationem vel peccati necesse est.

2. – Utrum actus humanus, inquantum est bonus vel malus, habeat rationem laudabilis vel culpabilis.

Co. – Cum omnes humani actus a nobis libere procedant, necesse est omnem actum hominis, ut bonum vel malum, culpabilis vel laudabilis rationem habere.

3. – Utrum actus humanus, inquantum est bonus vel malus, habeat rationem meriti vel demeriti.

Co. – Actus humani, ut boni vel mali, meriti vel demeriti rationem habent secundum retributionem justitiae ad alterum.

4. – Utrum actus humanus, inquantum est bonus vel malus, habeat rationem meriti vel demeriti apud Deum.

Co. – Cum Deus sit gubernator et totius universi rector, praesertim rationalium creaturarum, illarum finis existens, actus humani, ut boni vel mali, non tantum apud homines, sed apud Deum meritorii vel demeritorii esse dicuntur.

–––––––––––

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 91.

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: