MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

Deus super omnia diligendus

 

Diligis Deum 1. ex tota mente (intellectu), a) si per fidem intellectum plene Dei veracitati subicis; b) si quam saepissime Deum recogitas; c) si eius perfectiones, beneficia, mandata studendo et meditando plenius in dies cognoscere satagis.

 

2. Ex tota anima (affectu), a) si gaudes de Deo, eius perfectione, beatitudine, honore, cultu – gaudia peccaminosa excludis – gaudia bona vel indifferentia ad Deum refers eique in acceptis habes; b) si doles de Dei offensionibus aliosque dolores propter Deum libenter toleras; c) si Dei honorem animarumque salutem ferventer desideras.

 

3. Ex toto corde, a) si cor studiumque tuum integre Deo consecras, ita ut nullam partem diabolo peccatoque concedas; b) si Deum plus diligis, quam cunctas creaturas, eique soli studes placere; si cuncta praeter Deum diligis propter eum et in eo.

 

4. Ex tota fortitudine (ex omnibus viribus), a) si omnes vires intendis, ut Dei voluntatem perficias; b) si labores tribulationesque pro Deo minime declinas; c) si te ipsum, possessiones tuas etc. libenter pro Dei honore impendis.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], pp. 267-268.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: