MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De peccato

 

Considera peccati gravitatem, foeditatem, malitiam ac poenas 1. in angelis lapsis: qui a) ante lapsum quam excelsi erant quoad naturam, pulchri ac divites per gratiam, gloriosi ac felices! b) Post lapsum hisce cunctis (excepta natura) privati, maculati, Deo exosi, ineffabilibus tormentis addicti. c) Hanc terribilem mutationem unum effecit peccatum, internum, unico momento commissum, cum nullum peccatum eiusque poena ad deterrendum praecessisset.

 

2. In Adam, a) qui ante peccatum donis praeclarissimis instructus familiariter cum Deo conversabatur, paradisi amoenitate fruebatur coelique iure gaudebat. b) Unicum commisit peccatum, sensualitatem secutus, seductioni cedens. c) Qualis iactura, quanta mala pro corpore et anima, ipsi totique prosapiae ex hoc pullularunt!

 

3. In Christo. a) Quid patitur? b) Quis? Infinite sanctus, dilectissimus Dei Filius. c) Cur? Pro peccatis, quae non ipse fecerat, sed pro quibus sponsorem se fecit. d) Quomodo puniemur nos servi vilissimi pro peccatis propriis, quibus insuper sanguinem Christi conculcavimus?

 

4. In aliquo damnato, qui a) forte maiores gratias maioremque, quam tu, virtutis gradum assecutus erat; b) unicum commisit peccatum mortale et c) inenarrabilia nunc et in aeternum sustinet tormenta.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], pp. 291-292.

 

© Ultra montes (www.ultramontes.pl)

Cracovia MMXVII, Kraków 2017

Reditus ad indicem:

MEDITATIONES

 

POWRÓT DO STRONY GŁÓWNEJ: