MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De contritione

 

Ut veram, profundam, efficacem elicias semperque teneas contritionem, considera: Quid per peccatum mortale 1. fecisti? a) Infinitam Dei maiestatem sprevisti; b) Domino et Creatori oboedientiam negasti, rebellis contra eum exstitisti; c) summo Bono per amentiam inexplicabilem rem vilissimam et abominabilem praeposuisti sicque illud contempsisti; d) Patri benefactorique optimo pro caritate infinita innumerisque beneficiis atrocissimam injuriam rependisti; e) Redemptoris tui passionem causasti, inutilem reddidisti, ingratitudine rependisti, innovasti eique fidem turpissime fregisti; f) Spiritum Sanctum contristasti, eiecisti, eius templum profanasti.

 

2. Quid amisisti? a) Dei amorem et amicitiam; b) animae pulchritudinem et splendorem; c) conscientiae quietem et pacem; d) largissimas gratias, merita collecta merendique facultatem; e) infinitam coeli gloriam et beatitudinem.

 

3. Quid promeritus es? a) Hic Dei iram suppliciaque multiplicia; b) post mortem dirissimam in iudicio confusionem, atrocissimos aeternosque in inferno cruciatus.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], p. 290.

 

© Ultra montes (www.ultramontes.pl)

Cracovia MMXVII, Kraków 2017

Reditus ad indicem:

MEDITATIONES

 

POWRÓT DO STRONY GŁÓWNEJ: