MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De vanis gaudiis

 

1. Mundi gaudia et oblectamenta a) vana sunt, quia nec veram praebent felicitatem (cum cor nostrum ad altiora creatum satiare nequeant) nec perfectam (utpote multis mixta amaritudinibus doloribusque) nec permanentem (cum brevissima sint, taedio mox afficiant, morte cuncta tollantur); b) saepe nociva et perniciosa, cum cor nostrum a Deo eiusque amore et servitio abstrahant, spiritum devotionis, compunctionis, collectionis ac vitam internam non uno nomine impediant, inclinationes pravas excitent et augeant, saepissime sine peccato haberi nequeant, in ulteriora peccata trahant dirissimisque aut inferni aut purgatorii cruciatibus puniantur.

 

2. Quare a) a gaudiis illicitis proximamque peccandi occasionem involventibus sollicite caveamus; b) in fruendis licitis nunquam continentiae, vigilantiae, mortificationis et gratitudinis erga Deum obliviscamur; c) vera gaudia in pace bonae conscientiae, oratione, conversatione cum Iesu sacramentali, in animabus salvandis, in laboribus cum et pro Iesu ferendis etc. quaeramus; d) coelestis beatitudinis desiderium continenter foveamus.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], p. 288.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: