MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De castitate

 

Media ad conservandam castitatem. 1. Magnam concipe castitatis aestimationem, impudicitiae abominationem. Quare saepius meditare de illius dignitate, pulchritudine, necessitate, fructibus, praemio; deque huius indignitate, foeditate, sequelis, damnatione.

 

2. Stude humilitati. Nam sine ea, ut nullam virtutem, sic nec castitatem habebis, Dei gratia carebis, diffidentiam in te, vigilantiam, orationem negleges sicque certissime cades.

 

3. Cole mortificationem, imprimis a) in custodia sensuum et imaginationis; b) in cibi potusque parcitate ("potus vini ventrisque saturitas seminarium libidinis est", S. Hieron.); c) in fugiendo otio ("multam malitiam docuit otiositas", Eccli 33, 29).

 

4. Fuge occasiones et pericula, imprimis conversationem familiarem cum mulieribus (domesticis, extraneis).

 

5. Orationi sedulo incumbe (Sap 8, 21): a) generatim spiritum fove orationis; b) saepe gratiam specialem pete ad hanc virtutem servandam; c) B. Virginem, ss. Iosephum, Aloysium etc. praeprimis cole, invoca, imitare.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], p. 286.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: