MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De vita interiore

 

1. Diligentissime nos vitae interiori et collectae studeamus. Hoc postulat a) Christi, Apostolorum cunctorumque sanctorum sacerdotum exemplum. b) Status, dignitas, functiones nostrae. c) Operatio, quae, ut fructuosa fiat, mentem bene collectam requirit. d) Salus nostra. Nam vita interna et collecta sexcentis nos eripit periculis, ab innumeris nos servat peccatis, spiritum orationis virtutesque promovet, multas acquirit gratias, pacem laetitiamque conciliat, salutem certiorem facit; dum vita dissipata contrarium praestat (prout, singula discurrendo, facile videbis).

 

2. Quare ut hanc vitam collectam assequaris: a) ordinem strictum tibi propone eumque religiose custodi; b) in orationibus persolvendis accuratissimus esto; c) meditationi et lectioni sacrae sedulo incumbe; d) conversationes recreationesque tuas examina cunctasque, quae nocivae sunt aut periculosae nimisque dissipantes, amove; e) saepe intentionem bonam elice, precibus iaculatoriis insiste talesque etiam inter labores et recreationes noli neglegere; f) magna devotione cor Iesu, B. Virginem sanctumque Ioseph cole et imitari stude.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], pp. 281-282.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: