MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De rosario

 

Rosarium B. V. debemus 1. aestimare, cum a) Sancti in tam magno pretio illud habuerint – Ecclesia tot laudibus extollat, indulgentiis insigniat – Deus ipse per tot miracula totque concessas gratias aestimationem suam, ut ita dicam, manifestaverit manifestetque; b) cum rosarium sit precatio vere catholica (quoad originem, res contentas, usum cunctis locis temporibusque obtinentem), Deo gratissima (cuius magnalia et beneficia recolit, laudes continet, cultum promovet), B. V. Mariae acceptissima (cuius venerationem intendit, invocationem promovet, imitationem proponit), utilissima et efficacissima (orationis bonae proprietates quasi continens et adiuvans, meditationem cum oratione vocali coniungens, gratias largas obtinens).

 

2. Recitare a) frequenter (si fieri poterit, quotidie); b) reverenter et attente; c) devote (mysteria meditando, Christi et B. V. exemplum considerando, proposita concipiendo).

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], p. 280.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: