MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

Iesus spinis coronatur

 

Iesus spinis coronatus. 1. Quid patiebatur? a) In corpore tormenta terribilia (caput, pars maxime sensibilis doloribusque obnoxia – per spinas grandes, durissimas, acutissimas – non solum vulnerabatur, sed ictibus insuper vehementibus quatiebatur); b) in honore ignominiam nefandam (illudebatur ut rex falsus, stultus, ridiculus – caedebatur in faciem – conspuebatur); c) in anima dolorem intensissimum (irrisionem magis torquentem, quam corporales dolores – factam ab iis, quos tantopere diligebat – nemine consolante vel defendente).

 

2. Cur coronari voluit? a) Ut coronam per peccata perditam nobis recuperaret; b) ut satisfaceret pro peccatis capite perpetrari (vel ipsi adscribi) solitis, e. g. malis cogitationibus, superbia, pervicacia; c) ut doceret non aliter nos adepturos coronam gloriae, nisi patienter et constanter tulerimus coronam spineam (mortificationis).

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], pp. 273-274.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: