MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

Christus manens nobiscum

 

Christus promisit se mansurum nobiscum. Manet scl. 1. cum Ecclesia sua a) tamquam propheta doctrinam suam ei communicans et per Spiritum Sanctum in eius conservatione, traditione, promulgatione illi assistens; b) tamquam sacerdos iugiter se sacrificans, eius laudes, gratiarum actiones, petitiones Deo offerens, pro peccaminosis eius membris intercedens veniamque precans, bracchium Dei ad puniendum et castigandum iam extensum prohibens ac retardans, per sacramenta illam sanctificans, per eucharisticam praesentiam illam sibi iungens; c) tamquam rex legem suam promulgans, Ecclesiam gubernans et defendens.

 

2. Cum anima iusti a) per fidem et inspirationes illam illustrans; b) per multimodas gratias sanctificans; c) per protectionem et gubernationem defendens, dirigens, in coelum ducens; d) per corpus suum nutriens, sibi uniens, in se transformans.

 

3. Pro hac praesentia Christo debes a) intimam gratitudinem; b) firmam fidem inconcussamque fiduciam; c) reverentiam filialem et oboedientiam; d) sollicitum gratiarum usum.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], pp. 271-272.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: