DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XLII

 

De aequalitate et similitudine divinarum personarum ad invicem

 

IN 6 ARTICULOS DIVISA

 

1. – Utrum aequalitas locum habeat in divinis.

 

Co. – Cum in divinis sit una essentia, aequalitatem quoque ibi ponere necessarium est.

 

2. – Utrum persona procedens sit coaeterna suo principio, ut Filius Patri.

 

Co. – Cum Pater non voluntate sed natura ab aeterno perfecta, absque successiva actione, Filium generet, eumdem ipsum sibi coaeternum habet.

 

3. – Utrum in divinis personis sit ordo naturae.

 

Co. – Quemdam in divinis naturae ordinem necesse est esse, secundum quod ibi quoddam originis principium est absque prioritate.

 

4. – Utrum Filius sit aequalis Patri secundum magnitudinem.

 

Co. – In divinis necesse est Filium esse aequalem Patri in magnitudine, accipiendo totam naturae Patris perfectionem.

 

5. – Utrum Filius sit in Patre, et e converso.

 

Co. – In divinis Pater est in Filio, et e contra, secundum essentiam, relationem et originem.

 

6. – Utrum Filius sit aequalis Patri secundum potentiam.

 

Co. – Cum Filius aequalis sit Patri in perfectione naturae, aequalem ei esse in potentia necesse est.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 27-28.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: