DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXXIII

 

De persona Patris

 

IN 4 ARTICULOS DIVISA

 

1. – Utrum competat Patri esse principium.

 

Co. – Cum Pater sit a quo est Filius, et Spiritus sanctus, convenienter ipsi esse principium convenit.

 

2. – Utrum hoc nomen «Pater» sit nomen proprie divinae personae.

 

Co. – Cum ipsa paternitate Pater in divinis distinguatur ab omnibus aliis personis, convenienter ipsi Patris nomen convenit.

 

3. – Utrum hoc nomen «Pater» dicatur in divinis per prius secundum quod personaliter sumitur.

 

Co. – Cum in Deo Patre perfecta paternitatis ratio inveniatur respectu Filii, in Deo autem et creatura nonnisi secundum aliqualem similitudinem, prius nomen Pater in divinis dicitur personaliter quam essentialiter.

 

4. – Utrum esse ingenitum sit Patri proprium.

 

Co. – Ingenitum esse est proprium Patri, inquantum ei proprium est non ab alio esse.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 23.

 
© Ultra montes (www.ultramontes.pl)
Cracovia MMVIII, Kraków 2008

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: