DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE PARTIS

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO CVI

 

Quomodo una creatura aliam moveat, et de angelorum illuminatione

 

IN 4 ARTICULOS DIVISA

 

1. – Utrum unus angelus illuminet alium.

 

Co. – Unus angelus alium illuminat in quantum ei veritatem quam cognoscit manifestam facit, vel confortando ipsius intellectum, vel ex parte similitudinis rei intellectae.

 

2. – Utrum unus angelus moveat voluntatem alterius.

 

Co. – Cum angelus nec sit bonum universale, neque illud ostendat, nec sit auctor intellectualis naturae, alterius voluntatem movere non potest.

 

3. – Utrum angelus inferior superiorem illuminare possit.

 

Co. – Cum ordo contineatur sub ordine sicut causa continetur sub causa, non potest angelus inferior superiorem illuminare, potentia scilicet naturali et ordinaria.

 

4. – Utrum angelus superior illuminet inferiorem de omnibus sibi notis.

 

Co. – Cum de ratione boni sit ut se aliis communicet, oportet angelos superiores qui sunt in plenissima participatione divinae bonitatis illuminare inferiores de omnibus quae noverunt; ita tamen ut perfectiorem scientiam habentes in altiori ordine permaneant.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 65.

 
© Ultra montes (www.ultramontes.pl)
Cracovia MMXI, Kraków 2011

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: