DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO LXI

 

De virtututibus cardinalibus

 

IN 5 ARTICULOS DIVISA

 

1. – Utrum virtutes morales debeant dici cardinales vel principales.

 

Co. – Morales virtutes, cum appetitus rectitudinem solae contineant, solos cardinales seu principales dicuntur.

 

2. – Utrum sint quatuor virtutes cardinales.

 

Co. – Quatuor sunt virtutes morales principales seu cardinales, sive principia earum formalia sive subjecta considerentur: prudentia scilicet, justitia, temperantia, et fortitudo.

 

3. – Utrum aliae virtutes magis debeant dici principales quam istae.

 

Co. – Solae quatuor virtutes morales, justitia videlicet, temperantia, prudentia et fortitudo, cardinales et principales omnium sunt, tam propter earum supra alias generalitatem, quam propter materiae principalitatem.

 

4. – Utrum quatuor virtutes cardinales differant ab invicem.

 

Co. – Quatuor virtutes cardinales, secundum quod earum unaquaeque ad specialem materiam determinatur, ab invicem sunt distinctae.

 

5. – Utrum virtutes cardinales convenienter dividantur in virtutes politicas, purgatorias, purgati animi et exemplares.

 

Co. – Cardinalium virtutum aliquae politicae, aliae purgatoriae, aliquae purgati jam animi, et aliae exemplares dicuntur.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), pp. 114-115.

 

© Ultra montes (www.ultramontes.pl)
Cracovia MMXVII, Kraków 2017

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: