DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XLI

 

De timore secundum se

 

IN 4 ARTICULOS DIVISA

 

1. – Utrum timor sit passio animae.

 

Co. – Timor cum malum per se respiciat cum aliqua corporali transmutatione, necesse est eum animae passionem esse.

 

2. – Utrum timor sit specialis passio.

 

Co. – Cum timoris objectum sit malum futurum difficile cui resisti non potest, oportet ipsum esse animi passionem a caeteris distinctam et separatam.

 

3. – Utrum sit aliquis timor naturalis.

 

Co. – Timor quidam naturalis est, qui respicit malum quoquo modo laedens et corrumpens naturae bonum; et quidam non naturalis, secundum quem malum timemus, non naturae oppositum sed bono amato vel desiderato.

 

4. – Utrum convenienter assignentur species timoris.

 

Co. – Sex sunt timoris species a sacris doctoribus expositae: segnities, erubescentia, verecundia, admiratio, stupor et agonia.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 103.

 

© Ultra montes (www.ultramontes.pl)
Cracovia MMXV, Kraków 2015

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: