DIVI THOMAE AQUINATIS

 

DOCTORIS ANGELICI

 

TOTIUS

 

SUMMAE THEOLOGICAE

 

CONCLUSIONES

 

–––––––––––––––––––––––

 

 

PRIMAE SECUNDAE

 

SUMMAE THEOLOGICAE

 

CONCLUSIONES

 

~~~~~~~~~~~~~~~~~~~~

 

QUAESTIO XXXVI

 

De causis tristitiae et doloris

 

IN 4 ARTICULOS DIVISA

 

1. – Utrum causa doloris sit bonum amissum, vel malum conjunctum.

 

Co. – Sicut delectatio prius respicit bonum adeptum ut proprium objectum, ita magis tristitiae causa est malum conjunctum quam bonum amissum.

 

2. – Utrum concupiscentia sit causa doloris.

 

Co. – Concupiscentia secundum propriam rationem aliquando doloris est causa, inquantum de retardatione boni concupiti, vel ejus totali ablatione tristamur; universalis autem causa doloris esse non potest.

 

3. – Utrum appetitus unitatis sit causa doloris.

 

Co. – Sicut amor vel cupiditas boni est causa doloris, ita et amor vel appetitus unitatis.

 

4. – Utrum potestas cui non potest resisti sit causa doloris.

 

Co. – Major potestas cui resisti non potest est doloris causa, dum mali corruptivi conjunctionem facit.

 

–––––––––––

 

 

Divi Thomae Aquinatis, Doctoris Angelici, totius Summae Theologicae Conclusiones. Parisiis. APUD A. ROGER & F. CHERNOVIZ, EDITORES. M D CCC XC (1890), p. 100.

 

© Ultra montes (www.ultramontes.pl)
Cracovia MMXV, Kraków 2015

Reditus ad indicem
Totius
SUMMAE THEOLOGICAE
CONCLUSIONES

POWRÓT DO STRONY GŁÓWNEJ: