MANUALE PRECUM

 

IN USUM

 

THEOLOGORUM

 

––––––––

 

Meditationes

 

––––––

 

De vigilantia

 

1. Vigilantia nobis necessaria. a) Dominus eam Apostolis et in eis nobis saepe serioque inculcavit. b) Circumdati sumus multis hostibus, expositi multis periculis, pervii multis tentationibus. c) Etiam hostes nostri semper vigilant illisque praecipue ad nos nostrosque aggrediendos utuntur momentis, quibus vigilantiam neglegimus (Mt 13, 25).

 

2. Ad vigilantiam requiritur, ut nunquam nos securos existimemus, sed semper timeamus, tentationes praevidere studeamus; b) ut nonnisi necessitate quadam compulsi et cauti loca, occasiones etc. ingrediamur, ubi insidiae nobis struuntur; c) ut tempore quietis praeparemus media et arma ad futuras tentationes superandas; d) ut portas, per quas inimicus animam posset ingredi, h. e. sensus nostros, diligenter custodiamus; e) ut loca debilia aggressibusque magis exposita, h. e. passionem dominantem ceterasque inclinationes, praecipua cautela observemus; f) ut in minima incursione statim arma arripiamus et resistamus.

 

–––––––––––

 

 

Manuale Precum in usum Theologorum. CUM APPROBATIONE REV. ARCHIEP. FRIBURGENSIS. Editio tertia. Friburgi Brisgoviae. B. Herder. TYPOGRAPHUS EDITOR PONTIFICIUS. [1912], pp. 287-288.

 

© Ultra montes (www.ultramontes.pl)

Cracovia MMXVI, Kraków 2016

Reditus ad indicem:

MEDITATIONES

 

POWRÓT DO STRONY GŁÓWNEJ: